Adhpaki Dridhta '10

Thak si gayi hun

Kadam se nahin

Socch se

Soch ke

Ki ye kadam kabhi

khatm hi nahin honge

Dhoondhte rahenge

Usko jo nahin hai

Poojte rahenge

Usko jo nahin hai

Phir ugungi main

Kali ki tarah

Kabhi baag mein

Kabhi keechad mein

Bhogne ke liye

Jo kiya tha

Jo karoongi

Maloom hai

ki ant mumkin hai

samaapan ho sakta hai

magar dridhta hi nahin hai

Nishchay mein

Khoti Budhdhi '11

Aaye thhe wo

Ye Sochkar ki

tayyar hun

Ki mukti ki jwala jal gayi thi

Mere seene mein

Ki samajh gai thhi main

Khaas mazaa nahin

hai jeene mein

‘Moksh moksh’ ki meri rut suni

Fir soch kar mere liye disha chuni

Badi namrata se samjhaya

Raasta bhi baar baar  dikhlaya

Maine bhi koshish ki puri

Magar samajh hi nahin ayaa!